"Ukrayina tamır halqlar" qanunınıñ yerine ketirilüvi "areket etip başladı", dep bildirdi Qırımtatar Milliy Meclisiniñ reisi Refat Çubarov aprelniñ 3-nde.
O, prezident Volodımır Zelenskıynıñ buyruğını izaatladı, oña binaen, Nazirler şurasına Qırımtatar Milliy Meclisini qırımtatar halqınıñ temsiliy organı uquqiy statusını pekitüv meselesiniñ çezilüvini temin etmek kerek.
Meclis reisi Zelenskıyge "siyasiy iradesi ve Ukrayina tamır halqlar imayesinde ardısıralığı içün" teşekkürler bildirdi.
"Bu esnasqa qoşulğan er keske de teşekkürler bildirem: devlet adamları, siyasetçiler, Ukrayina halq deputatları, cemaat erbapları ve digerlerine. Qırımtatar Milliy Meclisiniñ azalarına ardısıralığı ve printsipial fikirleri içün ayrı teşekkürler", – dep qoştı o.
Zelenskıynıñ ofisi prezidentniñ buyruğını derc etti, oña binaen, Nazirler şurası Mecliske qırımtatar halqı temsiliy organınıñ uquq statusını "acele" temin etmeli.
Metinge köre, vesiqa "qırımtatar halqınıñ turğun inkişaf aqqı, etnik, medeniy, til, din kimligi kefaletlerini" temin etmege yönelgen.