Kyivde avgustnıñ 9-nda Halqara tamır halqlar kününe bağışlanğan hayriye kontserti ötkerilecek.
«Kontsertimizde meşur ukrayın artistleri BURLA, ALISA ve NAIMES iştirak etecekler. Muzıkalı qısımdan ğayrı, Ukrayınanıñ tamır halqları – qırımtatarlar, qaraylar ve qırımçaqlar aqqında tarif etip, olarnıñ medeniyeti ve ananelerinen tanıştıracaqmız. Sizni milliy aşlar, parlaq foto alanları ve ilâhre bekley», – dep aytıla ilânda.
Toplanğan para Ukrayınanıñ tamır halqlarından elâk olğan arbiylerniñ qorantalarına berilecek, dep qayd ete teşkilâtçılar.
Kontsert saat 18:00-den 21:00-ğa qadar Kyivdeki Panorama Barda keçirilecek.
Halqara tamır halqlar künü er yıl avgustnıñ 9-nda qayd etile, 1994 senesi onı BM Baş Assambleyası belgiledi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
