Rusiyeniñ Qırımdaki Kirov rayon mahkemesi qırımtatar Dlâver Salimovnı bir yıl apis cezasına mahküm etti. Salimovnı, "Z" işaretli şapkası içün yaqıt stantsiyasında hızmetçini qorquzğanı içün, siyasiy duşmanlıq sebebinden öldürüv ile qorquzğanında qabaatlaylar, dep haber ete "Qırım esnası".
Haber etilgenine köre, üküm qapalı şekilde ilân etildi, bu ise mahkeme esnasınıñ açıq olması printsipine zıt kele.
"Mütehassıslar şunı da qayd eteler ki, mahkemeci üküm çıqarılmadan evel toplaşuv odasında 60 daqqadan çoq bulunmadı, bu ise, bütün taraflama ögrenilgen ve obyektiv qararnıñ qabul etilmesi içün yeterli vaqıt degil, em de mahkemeci taraflı olğanını ve mahkeme baqıluvınıñ soñuna qadar onıñ azır olğan qararı olğanını köstere bile", - dep qayd eteler uquq qoruyıcılar.
Daa evel haber etilgenine köre, Rusiye prokurorı Salimov içün 2,6 yıl koloniyada qalmasını istedi.
Uquq qoruyıcılarnıñ malümatına köre, 2023 senesi avgust ayında Salimov Qırımnıñ diger sakininden "Z" Rusiye ordusınıñ timsali ile şapkasını çıqarmasını talap etken edi. Bu adise videoğa çıqarıldı ve "Krımskiy smerş" telegram kanallarında derc etildi, onı Rusiye tarafdarı olğan bloger Talipovnen bağlaylar.
Soñra Salimovğa qarşı "kiçik zorbalıq" maddesine istinaden memuriy dava açıldı, mahkeme ise 14 künge memuriy apis cezasını berdi.
Rusiye quvet strukturalarınıñ vekilleri Salimovdan "Krımskiy smerş" ve "TalipoV Online" telegram kanallarında derc etilmesi planlaştırılğan afu sözleri bkt video yazmasını talap ete ediler.
Salimov bunı yapmaqtan vazgeçti, bundan soñ oña qarşı cinaiy iş açıldı. Rusiye Federatsiyasınıñ Ceza kodeksiniñ 119 maddesi (öldürmeknen qorquzuv). Rusiye uquq qoruyıcıları Salimovğa kene afu soramaqnı teklif etti, amma o, red etti. Bundan soñ qabaatlav sertleştirildi.
Noyabrniñ 1-nde qırımlınıñ areketleri 2-nci maddeniñ 2-nci qısmına deñiştirildi. Rusiye Federatsiyasınıñ Ceza kodeksiniñ 119-ıncı maddesine istinaden apiske alındı, nevbetteki künü ise onı Aqmescitniñ No1 SİZO-sına yerleştirdiler. Salimovnı taqip etken maddeniñ cezası beş yılğa qadar azatlıqtan marum etüvdir.
Rusiyede ve onıñ tarafından işğal etilgen topraqlarda quvetçiler Ukraнina tarafdarlarını taqip eteler. Rusiye tarafdarı qırımlı bloger Aleksandr Talipov öz telegram kanalında Ukraнinağa qol tutqan qırımlılarnıñ şahsiy malümatlarını derc ete. Böyle şikâyetlerniñ neticesinde qırımlılar tutula ve Rusiye ordusınıñ "areketini yaramaylaştırğanı" içün memuriy ve cinaiy mesüliyetke çekile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
