Cenk şaraitinde Ukrayina qanun qoruyıcılarına rusiye tarafdarı bloger Aleksandr Talipovnı mahküm etilgeninden soñ birden mesüliyetke çekmege zor olacaq. Bunı Qırım.Aqiqatqa advokat Nikolay Polozov bildirdi.
Advokat qayd etti ki, Qırımnıñ işğalinden soñ Rusiye Ukrayinağa adliye tarafından qabaatlanğan qırımlılarnı teslim etmekni toqtattı.
"Cenk şaraitinde devletler arasında bir çoq işbirligi mehanizmleri, şu cümleden cinayet işlerinde ekstraditsiya meseleleri, Ukrayina ve Rusiye arasında ömürge keçirilmey. Soñki sekiz yıl devamında Rusiyeniñ Ukrayinanıñ tehqiqat organları tarafından subeli ya da suçlu olğan bir şahısnı bile Qırımdan ekstraditsiya etkeni aqqınd maña malüm degil. Bu alda ise, mahkemeniñ ğıyabiy ükmü çıqarılğan soñ da bu şahısnı deral mesüliyetke çekmek qıyın olacaq", - dedi Polozov.
Qırım ve Aqyar şeeriniñ prokuraturası rusiye tarafdarı qırımlı bloger aleksandr Talipovnıñ "TalipoV Online Z" telegram kanalında "milletlerara zıddiyet çıqarması" maddesi ile cinayet davasını açtı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
