Talipov şahsiy kanalında «vaziyetni çeze», dep ayttı. Telegramda Talipovnen bağlı qalğan kanallar çalışmağa devam ete.
Rusiyede ve işğal etilgen topraqlarda Ukrayinanı desteklegen faallerniñ taqip etilmesi devam ete. Rusiyege qoltutqan bloger Aleksandr Talipov Telegram kanalında Ukrayina tarafdarlarınıñ şahsiy malümatını derc ete. Onıñ şikâyetleri esasında qırımlılar Rusiye ordusını «itibardan tüşürgeninde» qabaatlanıp, memuriy ve cinaiy mesüliyetke çekile. Ukrayina prokuraturası Talipovğa qarşı «milletlerara nefret doğuruv» maddesine istinaden cinaiy tahqiqat başlattı.
Noyabrniñ ortasında Qırım Muhtar Cumhuriyeti ve Aqyar prokuraturası Ukrayınağa qarşı cenkte Rusiye Federatsiyasınıñ ordusına yardım etkeninde qabaatlanğan Talipovnıñ davasını mahkemege yolladı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
