Rusiye tarafdarı qırımlı bloger Aleksandr Talipov Qırım sakinlerini taqip etkeni içün Moskvadan teşekkürname aldı. Bunıñ aqqında Talipov özü haber etti.
Metinge köre, "Krımskiy SMERŞ" telegram kanalına ve onıñ yaratıcısı Aleksandr Talipovğa minnetdarlıq bildirile. Şu telegram kanaldı Ukrayinanı, Ukrayina Silâlı quvetelerini desteklegen, Ukrayina tarafdarı olğan, açıq şekilde ya da içtimaiy ağlarda öz fikrini bildirgen, ukrayin türkülerini diñlegen qırım sakinleriniñ şahsiy malümatı derc etile.
Metinde Talipov "faydalı yardım köstere ve cemaat telükesizligine büyük isse qoşa" dep yazılı.
Rusiyede ve işğali altındaki topraqlarda Ukrayına tarafdarları taqip etile. Rusiyege qoltutqan bloger Aleksandr Talipov Telegram kanalında Ukrayına tarafdarlarınıñ şahsiy malümatını derc ete. Onıñ şikâyetleri esasında qırımlılar Rusiye ordusını «itibardan tüşürgeninde» qabaatlanıp, memuriy ve cinaiy mesüliyetke çekile. Ukrayına prokuraturası Talipovğa qarşı «milletlerara nefret doğuruv» maddesine istinaden cinaiy tahqiqat başlattı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
