Rusiye tarafdarı bloger yaşağan Kefe azbarlarından birinde patlav oldı. Bu aqta o, Telegram kanalında yazdı.
Berilgen malümatqa köre, patlayıcı madde bina yanında turğan mopedke qoyulğan edi.
«Saat 19-lerde küçlü patlav oldı, evde divarlar sallandı, qırılğan cam sesleri eşitildi. Azbarğa çıqıp, yanğan mopedni kördim. Etrafta pencerelerniñ camları qırıldı», – dep yaza bloger.
Qırım.Aqiqat muarririyeti bu malümatnı tez teşkerip olamay.
Rusiyege qoltutqan bloger Aleksandr Talipov Telegram kanalında Ukrayına tarafdarlarınıñ şahsiy malümatını derc ete. Onıñ şikâyetleri esasında qırımlılar Rusiye ordusını «itibardan tüşürgeninde» qabaatlanıp, memuriy ve cinaiy mesüliyetke çekile. Ukrayına prokuraturası Talipovğa qarşı «milletlerara nefret doğuruv» maddesine istinaden cinaiy tahqiqat başlattı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
