Ukrayına prokuraturasınıñ malümatına köre, Rusiyeniñ büyük istilâsı başlağanından berli qabaatlanğan kişi içtimaiy ağlarda Rusiye ordusına para toplağan ve yardım etüv malümatlarını ve videolarnı muntazam sürette derc ete. Bloger toplar ve istihbarat içün dronlarğa ve radioelektron küreş kompleksine para topladı.
«Soñra erkek «para toplağanınıñ» neticelerini aydınlattı ve videolarnı derc etti, anda Rusiye Federatsiyası Silâlı quvetleriniñ farqlı bölükleri tehnik vastalar içün teşekkürler bildire», – dep haber ete prokuratura.
Blogerniñ areketleri istilâcı devletke yardım etüv (Ukrayına Ceza kodeksi 111-2 maddesiniñ 2-nci qısmı) olaraq tasnif etildi. Oña 12 yıl apis cezası berile bile.
Prokuratura şübheliniñ adı ve soyadını aydınlatmay, lâkin medianen laf etmege vekâleti olmağan ve gizli qalmağa istegen memur Qırım.Aqiqatqa laf Aleksandr Talipov aqqında kete, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
