Link açıqlığı

Saatnıñ esas haberi

Hırsızlanğan Tair Seydametov Aqmescitte Rusiye FSB idaresiniñ binasında tutula – Ukrayına prezidentiniñ Qırım Muhtar Cumhuriyeti temsilciligi


Tair Seydametov

Aqmescit rayonınıñ Yañı Sarabuz (Ukromnoye) köyünde kimligi belli olmağan insanlar tarafından hırsızlanğan qırımtatarı Tair Seydametov Aqmescitteki Rusiye FSBsiniñ idare binasında tutula. Bu aqta martnıñ 20-nde Ukrayına prezidentiniñ Qırım Muhtar Cumhuriyeti temsilciligi Seydametovnıñ soy-sopları bergen malümatqa esaslanıp haber etti.

«Seydametovnıñ bulunğan yeri martnıñ 20-nde saba belli oldı. Qorantası bildirgenine köre, Tair işğal etilgen Aqmescitniñ FSB binasında tutula. Tair Seydametov ne sebepten tutuldı ve statusı ne soy-sopları bilmey», – dep aytıla haberde.

«Qırım birdemligi» cemaat birleşmesi martnıñ 17-nde Aqmescit rayonınıñ Yañı Sarabuz (Ukromnoye) köyünde kimligi belli olmağan insanlar qırımtatarı Tair Seydametovnı tuttı, dep bildirdi.

«Qırım ğayesi» cemaat aq qorçalayıcı teşkilâtı soñki yılda Qırımda 12 insan hırsızlandı, dep bildirgen edi. Eki kişi soñra azatlıqqa çıqtı, eki insan cinaiy davanıñ mabüsleri oldı. 8 kişiden bir haber yoq.

Bir sıra şaatlıqqa baqmadan, Rusiye akimiyeti Qırımda insan aqları bozulğanını inkâr ete.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG