Rusiye Tahqiqat Komitetiniñ Qırım idaresi, Canköy rayonında Qırımtatar Qurultayınıñ delegatınıñ yegeni öldürilgeninen bağlı cinaiy dava açtı, dep bildire müessiseniñ matbuat hızmeti.
"Tahqiqiy tedbirlerniñ neticesinde, Rus Qaranğut (Timirâzevo) köyünde şeftali hırsızlanması sebebinden (olarnıñ umumiy meyva bağçasından), qomşu arası qavğa çıqtı, soñunda, qavğalaşqanlarnıñ birisi, yanında bulunğan adamlar yanında, öz av tüfeginden ekincisini attı, bundan soñ öz evini yaqıp, özüni öldürdi, dep bilindi", - denile beyanatta.
Daa evel qırımtatar faali Zair Smedlâ, Canköy köyüniñ Rus Qaranğut (Timirâzevo) köyünde avgustnıñ 2-sinde saba Qırımtatar Qurultayınıñ delegatı Rustem Ennanovnıñ yegeni Elmar Kurtseitov öldürilgenini, Qırım.Aqiqatqa aytıp berdi. Onıñ aytqanına köre, tahmin etilgen qatil bir özü yaşay edi ve onı rusiy hastalığı bar edi. Amma buña baqmadan, dep ayta faal, Rusiye politsiyası onıñ qayd etilgen tüfegini tutıp almadı.
