Dekabrniñ 14-nde Ukrayina Mudafaa naziriniñ muavini Ganna Malâr Ukrayinadaki seferberlikke dair evelki sözlerini izaatladı.
Bir kün evel onıñ iştirak etkeni 1+1 televizion kanalınıñ yaynına atfı etip, dedi: "Bugün dersiñ ilân etilgen seferberlik aqqında serlevalarnı körseñiz, biliñiz ki, bu asıl menba teşkerilmeden yayınlanğan yalandır".
Malârnıñ sözlerine köre, seferberlikniñ devamı arbiy areketleriniñ ketişatına bağlıdır.
"Seferberlikniñ devamı cenkniñ ketişatına bağlıdır. Şunıñ içün tahminler yararsızdır", - dedi o.
Malâr qayd etti ki, umumiy seferberlik fevralniñ 24-nden berli devam etmekte ve Yuqarı Rada Ukrayina prezidentiniñ talabı ile onı artıq bir qaç kerek uzattırdı.
Evel Kütleviy haber vastalarında, dersiñ Ganna Malâr 2023 senesiniñ başında yañı seferberlik dalğasını ilân etkenine dair haberler yayınlandı.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
