Bağçasaray rayonınıñ Ğavr (Plotinnoye) köyü Qırım dağlarınıñ Esas sırasınıñ Boyka massiviniñ ğarbiy caplarında Belbek özeniniñ eki yalısında yer ala. Köyde 660-den çoq insan yaşay, aman-aman yarısı – qırımtatar sürgünligi yerlerinden qaytqan qorantalardır.
Statistikağa inansaq, Ğavrnıñ eñ büyük ealisi 1926 senesi edi. O vaqıt 831 sakini bar edi, 667-si qırımtatarı, 98-i ukraini, 38-i türk, 21-i rus, 5-i yeudi, biri nemse ve biri yunan.
Tarihçılarnıñ versiyalarından birine köre, Ğavr toponimi orta asırlıq qale şeeri olğan Manğupnıñ Gavraslar ükümdarlar sülâlesiniñ soyadından kele. Köy ise VII asırda peyda oldı. O vaqıtlarda Belbek vadiysinde IV asırda hristianlıqnı qabul etken yerli ealinen qarışqan gotlarnıñ torunları yaşağan edi.
Sovetler zamanında yerli kolhoz, soñra da eski Ğavr kirgen sovhoz bağ-bağçalıqnen, tütünnen ve efir yağlarnen oğaraşqan edi.
Zemaneviy Ğavrnı fotoresimlerimizde baqıñız.
Facebook Forum