Noyabrniñ 26-nda Rusiyeniñ Dniproğa raketa ücümi neticesinde 7 hususiy ev qısmen yıqılğan, neticede de yanğın peyda olğan. Bunı Dnipro vilâyetiniñ arbiy memuriyetiniñ yolbaşçısı Valentın Reznıçenko haber etti.
Onıñ haber etkeni kibi, Rusiyeniñ raketa ücümi neticesinde zarar körgen insanlar bar.
"Dniproğa qarşı duşmannıñ darbesinden artıq altı adam zarar körgeni aqqında belli. Bir qadın ağır alda. İşğalciler tınç mallege urdılar", - dep yazdı o.
Dnipro şeer başı Borıs Filatov ücüm neticesinde şeer kommunikatsiyaları ve infraterkip zarar körmegenini qayd etti.
Moskva bir sıra delil olğanına baqmadan, vatandaşlarğa qarşı ücüm etkenini inkâr ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
