Link açıqlığı

Ukrainler yazda Qırımğa barmasa da olur. Ukraina tış işler Nazirligi olarnıñ havfsızlığını kefil etip olamay, dep ayta Bi-Bi-Si ukrain hızmetine tış işler naziri vazifelerini eda etken Andrey Deşçitsa.

«Anda öz başına ilân etilgen cumhuriyet akimiyeti faaliyetiniñ qanun esasları ve kefil etilgen telükesizlik bar olğanını tasdıqlağan kefaletimiz yoq», – dep qayd etti Deşçitsa.

O, Ukraina qıtası ve Qırım Muhtar Cumhuriyeti arasında kiriş noqtalarını meydanğa ketirüv aqqında malümatnı red etti.

«Bizler Ukrainağa ekstremistler ya da Rusiye mahsus hızmetleriniñ agentlerini kirsetmemek içün nezaretni quvetleştirüv aqqında aytamız», – dedi TİN yolbaşçısı.

Onıñ aytqanına köre, Rusiye ile viza rejiminiñ kirsetilmesi kün mevzularından biri olaraq qala.

«Rusiye böyle bir qarar alsa, biz de qarşılıqlı alda Rusiye vatandaşlarına nisbeten aynısını qabul etermiz», – dedi Deşçitsa.

Onıñ aytqanına köre, Ukraina sıñırlarını imaye etmek içün pasport ve gümrük teşkerüvi ciddiy olmalı, Ukrainada bulunması istenmez şahıslarnı memleketke aslı kirsetmemek kerek.
XS
SM
MD
LG