Türkiye akimiyetiniñ bildirgenine köre, yanvarniñ 26-nda sabağa qadar yer teprenüvi neticesine 31 insan elâk oldı. Qurtaruv işleri devam ete.
Akimiyetniñ malümatına köre, Türkiye şarqındaki Elâzığ vilâyetinde 80 bina yıqıldı, 645 bina büyük zarar kördi. 1500 insan hastahanege tüşti.
Yanvarniñ 24-nde Türkiyeniñ şarqındaki Elâzığ vilâyetinde 6,8 büyükliginde zelzele oldı.
Yer teprenüvi 600 biñ kişi yaşağan Elâzığ şeeri ve vilâyetinde, qomşu regionlarda is etildi.
Türkiyede küçlü yer teprenüvleri endi olğan edi. 1999 senesi büyük yer teprenüvi İstanbulda oldı, 17 000 kişiden çoq elâk olğan edi.
