Türkiyeniñ şarqındaki Elâzığ vilâyetinde yer teprenüvi oldı. Eñ az 20 kişi elâk oldı, biñden çoq insan yaralandı. Bu aqta Anadolu agentligi haber ete.
6,8 büyükliginde zelzele cuma künü, yanvarniñ 24-nde, aqşam oldı. Birinci sarsıntıdan soñ ondan daa zayıf sarsıntılar oldı. Binalar yıqıldı, bağ kesüvleri bar.
Sivrice rayonınıñ bir çoq sakini binalar yıqılır dep, evlerini terk etti. Park ve bağçalarda gecelediler. Bazı rayonlarda sport kompleksleri ve konferents salonları açıldı, insanlar anda qaldı.
AFP agentliginiñ bildirgenine köre, yer teprenüvi neticesinde eñ az 14 kişi elâk oldı.
Qıdıruv-qurtaruv taqımları yıqılğan binalar altında insanlarnı qıdırmağa devam ete.
ABD Geologik hızmetiniñ (USGS) malümatına köre, zelzele Türkiyede yarım million insan tarafından, qomşu memleketler Iraq, Suriye ve Lübnanda da is etildi.
İlk malümatqa köre, zelzele neticesinde Rusiye vatandaşları yaralanmadı, dep bildirdi Rusiyeniñ Ankara elçihanesi.
