Qırımnı Rusiyeniñ işğalinden temizlemege, qırımtatar halqınıñ Vatanında tarihiy aqlarını tiklemege ve Ukrainanıñ topraq bütünligini saqlamağa kerek.
Bu aqta söz Türkiyede qırımtatar dispora cemaat teşkilâtlarınıñ beyanatında kete, dep bildire Qırım.Aqiqat.
«Qırımtatarlar, Qırım tamır halqı ve öz Vatanınıñ tarihiy saipleri olaraq, Qırımnıñ işğalini ve onıñ Rusiye tarafından zaptını iç te qabul etmeyler. Fevralniñ ilk vaqialarından ve şimdigece qırımtatar halqınıñ diasporası Türkiyede miting, toplaşuv, konferentsiyalarnı keçire. Mında tek soñki vaqialarğa qarşılıqnı köstermeyler, mında halqara uquqnıñ yerge taptavını tenqit eteler. Çünki bu al nice asırlar devamında halqlarnıñ diplomatiya saasında olğan neticelerini yoq ete bile», – denile beyanatta.
Diasporannı beyanatında qayd etilgeni kibi, «İşğalci-memleket Rusiye akimiyeti öz areketleriniñ qanuniy olğanını ve istilâsına qarşı çıqqan qırımtatarlarnıñ qarşılıqnı yoq etmek içün çeşit türlü medeniyetsiz areketlerni etmege devam ete, şu cümleden, qırımtatarlarnıñ temsiliy organını yoq etmek ıntıluvı da bardır».
«Teşkilâtnı içinden bölmek, qırımtatarlarnıñ liderleriniñ itibarını bozmaq, qırımtatarlarnı terrorizlemek ve işbirlikke celp etmek, halq arasında «temsilci-satqınlarnı» belgilep, ileride olarnı çeşit maqsatlarda qullanmaq ve ilhr», – denile beyanatta.
Qırımtatar diasporasınıñ cemaat teşkilâtlarında qayd ettiler ki, «özlerini Türkiyede qırımtatar diaspora vekilleri ve nasıldır bir uydurılğan cemaat teşkilâtlarınıñ yolbaşçıları olaraq tanıtqan iylekârlar peyda olmağa başladı».
«Cemaat arasından endi çoqtan berli quvulğan ve Rusiye içün belli olğan maqsatlarını amelge keçirmege yardım etken insanlardır. Aynı olardan Rusiye matbuat vastalarında yer tapqan laflar kelip çıqa. Sanki qırımtatarlar Rusiyeniñ Qırım işğaline qol tuta ve öz milliy yetekçileri ile işbirlikten vazgeçkenleri aqqında laflar», – denile beyanatta.
«Biz ne ağır tarihiy zulumlarğa, ne vahşiy sovet rejimine baş egmegen halqımız ile ğururlanamız. Biz qırımtatar milliy areketinde olğan öz demokratik nazarı ile bütün dünyada ürmet qazanğan Mustafa Abdulcemil Qırımoğlu (Cemilev) yetekçimiz ile ğururlanamız ve o bizler içün daima nümüne olacaqtır», – denile beyanatta.
Mında şunı da qayd eteler ki, Türkiyede qırımtatar diaspora vekilleri iç bir vaqıt Rusiyeniñ Qırım işğalini tanımay edi, tanımay ve tanımaycaq.
Bu aqta söz Türkiyede qırımtatar dispora cemaat teşkilâtlarınıñ beyanatında kete, dep bildire Qırım.Aqiqat.
«Qırımtatarlar, Qırım tamır halqı ve öz Vatanınıñ tarihiy saipleri olaraq, Qırımnıñ işğalini ve onıñ Rusiye tarafından zaptını iç te qabul etmeyler. Fevralniñ ilk vaqialarından ve şimdigece qırımtatar halqınıñ diasporası Türkiyede miting, toplaşuv, konferentsiyalarnı keçire. Mında tek soñki vaqialarğa qarşılıqnı köstermeyler, mında halqara uquqnıñ yerge taptavını tenqit eteler. Çünki bu al nice asırlar devamında halqlarnıñ diplomatiya saasında olğan neticelerini yoq ete bile», – denile beyanatta.
Diasporannı beyanatında qayd etilgeni kibi, «İşğalci-memleket Rusiye akimiyeti öz areketleriniñ qanuniy olğanını ve istilâsına qarşı çıqqan qırımtatarlarnıñ qarşılıqnı yoq etmek içün çeşit türlü medeniyetsiz areketlerni etmege devam ete, şu cümleden, qırımtatarlarnıñ temsiliy organını yoq etmek ıntıluvı da bardır».
«Teşkilâtnı içinden bölmek, qırımtatarlarnıñ liderleriniñ itibarını bozmaq, qırımtatarlarnı terrorizlemek ve işbirlikke celp etmek, halq arasında «temsilci-satqınlarnı» belgilep, ileride olarnı çeşit maqsatlarda qullanmaq ve ilhr», – denile beyanatta.
Qırımtatar diasporasınıñ cemaat teşkilâtlarında qayd ettiler ki, «özlerini Türkiyede qırımtatar diaspora vekilleri ve nasıldır bir uydurılğan cemaat teşkilâtlarınıñ yolbaşçıları olaraq tanıtqan iylekârlar peyda olmağa başladı».
«Cemaat arasından endi çoqtan berli quvulğan ve Rusiye içün belli olğan maqsatlarını amelge keçirmege yardım etken insanlardır. Aynı olardan Rusiye matbuat vastalarında yer tapqan laflar kelip çıqa. Sanki qırımtatarlar Rusiyeniñ Qırım işğaline qol tuta ve öz milliy yetekçileri ile işbirlikten vazgeçkenleri aqqında laflar», – denile beyanatta.
«Biz ne ağır tarihiy zulumlarğa, ne vahşiy sovet rejimine baş egmegen halqımız ile ğururlanamız. Biz qırımtatar milliy areketinde olğan öz demokratik nazarı ile bütün dünyada ürmet qazanğan Mustafa Abdulcemil Qırımoğlu (Cemilev) yetekçimiz ile ğururlanamız ve o bizler içün daima nümüne olacaqtır», – denile beyanatta.
Mında şunı da qayd eteler ki, Türkiyede qırımtatar diaspora vekilleri iç bir vaqıt Rusiyeniñ Qırım işğalini tanımay edi, tanımay ve tanımaycaq.
