Rusiye ve Ukrayina 200 esir asker deñişmesi aqqında añlaştı. Bunı Türkiye prezidenti Recep Tayyip Erdoğan PBS-ge bildirdi.
"Taraflarnıñ añlaşması neticesinde 200 esir asker azat etilecek. Bunıñ müim adım olacağını tüşünem", - dedi Erdoğan.
Türkiye prezidenti, deñişüvniñ artıq olıp olmağanına dair malümat bermedi.
Bundan ğayrı Erdoğan, Rusiye Ukrayinadaki cenkni tez bir zamanda bitirmege tırışqanını bildirdi. Bu neticege Türkiye devlet başı Rusiye prezidenti vladimir Putin ile Özbekistanda körüşüvden soñ keldi .
"Özbekistanda Putin ilekeniş körüşmeler keçirdim. Olar bunı tez bir zamanda bitirmege tırışqanlarını añladım. Bu vaziyet büyük bir meseledir", - Anadolu agentligi Erdoğannıñ aytqanlarından alıntı ketire.
Moskva soñki sefer iyünniñ soñunda Kıyiv ile esirler deñişmesi aqqında haber etken edi. O zaman taraflar "144 144-ke" formatında arbiyler deñişmesini tasdıqladılar.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
