Link açıqlığı

Saatnıñ esas haberi

Türkiye prezidenti Charlie Hebdo Frenkistan mecmuasına qarşı dava açılmasını istey


Recep Tayyip Erdoğan
Recep Tayyip Erdoğan

Türkiye prezidenti Recep Tayyip Erdoğan oña karikatura yapqan Charlie Hebdo Frenkistan mecmuasına qarşı dava açmağa talap ete. Türkiye prokurorları Erdoğannıñ advokatı şikâyeti üzerine cinaiy dava aça bile, dep bildire Azatlıq Radiosı «Anadolu» agentliginiñ malümatına esaslanıp.

Advokatnıñ aytqanına köre, mecmuanıñ yazğanları iftira ola ve «fikir bildirüv serbestliginen iç bir alâqası yoq». Bundan ğayrı, prokurorlar prezidentni aqaretlev maddesi boyunca tahqiqat başlattı.

Charlie Hebdo çarşenbe künü, oktâbrniñ 28-nde, mecmua qapında Erdoğannıñ karikaturasını yaptı. Anda yarı çıplaq Erdoğan qolunda şişenen oturıp, musulman urbasında bir qadınnıñ etegini kötere ve ayta: «Peyğamber». Karikaturada «Erdoğan aslında şahsiy ayatında oynaq bir kişi» dep yazıla.

Charlie Hebdo, mektep ocası Samuel Paty öldürilgen soñ Parij ve Ankara arasındaki munasebet buhranı sebebinden karikatura yaptı. Oca talebelernen söz serbestligini laf etip, derste Peyğamberge yapılğan karikaturalarnı kösterdi. Oktâbrniñ 16-nda öldürildi.

Frenkistan prezidenti Emmanuel Macron ücümni «islâm teraktı» dep adlandırdı ve Frenkistan cumhuriyetinde lâdiniy qıymetlerni qorumağa çağırdı. Bundan soñ Erdoğan Macronnı islâmofobiyada qabaatlap, «ruhiy alını teşkermesini» tevsiye etti. Parij, Ankaradan elçisini keri çağırdı.

Türkiye akimiyeti derc etilgen karikaturanı takbih etip, onı «medeniy rasizm ve nefretni yaymaq» ıntıluvı dep adlandırdı.

XS
SM
MD
LG