Türkiye devlet başı Recep Tayyip Erdoğan ükümetniñ Finlândiyanıñ NATO-ğa qoşuluv arizasınıñ tasdıqlanuvı ile ilerileycegini bildirdi. AP haber etkeni kibi, bu meselede oñğanlıq martniñ 17-nde, Finlândiya prezidentiniñ Ankarağa Erdoğan ile körüşmek içün kelgeni zaman oldı.
Finlândiya ve İsveçiya alyansqa qoşulmaq içün ariza bergen soñ, iyul ayyında olarnıñ NATOnıñ yañı azaları olaraq tasdıqlanması başlandı. Eki yañı azanıñ NATOğa qabul etilüvini mudafaa ittifaqınıñ 30 aza memleketi tasdıqlamalı. Macaristan ve Türkiyeden ğayrı, bütün azalar muracaatlarını endi tasdıqladı.
Ankara NATO azaları olmağa istegen namzet memleketler arasında terrorizm ile küreşniñ yetersiz olğanına sıltav eterek qoşuluvnı blok ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
