Link açıqlığı

Qırımtatar halqınıñ meselesi yalıñız siyasiy yollar ile al etilmeli.

Bunı mayıs 27 künü, Türkiye çetel işler naziri Ahmet Davutoğlu bildirdi, – haber ete QHA.

«Qırımtatarlar – Qırımnıñ ayrılmaz qısmıdır. Olarnıñ tınçlığı Türkiye içün ğayet müimdir. Qırımda yaşağan medeniy eali, çeşit millet ve din vekilleri barışıq ve tınçlıqta yaşamağa devam etkenleri pek müimdir. Bu sebepten Qırımda tınçlıqnıñ saqlanmasınıñ yollarını belgilemek kerek», – dedi Davutoğlu toplaşuvdan soñ jurnalistlerge.

Davutoğlu Rusiye, Ukraina ve Qırımğa ziddiyetlerge yol bermemek ve meselelerni muzakereler yolu ile al etmege teklif etkenini bildirdi.

«Rusiye, Ukraina ve Qırımğa ziddiyetlerge yol bermemek kerek. Mesele siyasiy yollar ile çezilmeli. Añlaştıq ki, qırımtatar halqına ait olğan meseleler muzakereler vastası ile çezilecektir», – dedi Türkiye çetel işler nazirliginiñ başı.

Bundan da ğayrı, Davutoğlu toplaşuvnıñ iştirakçileri qırımtatarlarnın meselelri halqara qaidelerge binayen al etilecegi aqqında añlaşqanını qayd etti.

«Bu meseleni telefon vastası ile Türkiye baş naziri ve Rusiye prezidenti muzakere ettiler. Milletler amanlıqta yaşamaq kerekler. Şunıñ içün biz daima Rusiye, Ukraina ve Qırım temsilcileri ile sıqı munasebetlerde bulunğan edik».

Onıñ sözlerine köre, Türkiye qırımtatarlarnıñ vaziyetini taraflarnıñ er birisi ile muzakere etmege devam etecek.
XS
SM
MD
LG