Tış işler naziri Andriy Sıbiğa, Yaponiya ziyaretinden soñ Ukrayinağa qayta, dep bildirdi Tış işler nazirliginiñ spikeri Georgiy Tihiy Oraqnıñ 3-nde jurnalistlerge.
"Evge yolda, bugün Varşavada poloniyalı zenaatdaşı Radoslav Sikorskiy ile körüşecek", — dedi o.
Tış işler nazirligi körüşüvniñ kün tertibini aydınlatmadı. Poloniya Tış işler nazirliginiñ matbuat hızmeti körüşüv aqqında haber etmedi.
Sıbiğa, Cenübiy Koreya ziyaretinden evel, Oraqnıñ 1-nde Yaponiyanı ziyaret etti. Tokioda nazir bir sıra yerli siyasetçi ile körüşti ve energetika meseleleri boyunca Ukrayina-Yaponiya biznes dialogında iştirak etti.
TİN bildirgenine köre, o, hususan, yapon şirketlerini Ukrayinanıñ ğayrıdan tiklenüvine faal qoşulmağa ve uzun müddetli modernizatsiyağa yatırım yapmağa davet etti.