Londrada keçirilgen muzakereler arfesinde Ukrayinanıñ birinci baş nazir muavini, iqtisadiyat naziri Yuliya Sviridenko, "Ukrayina muzakerelerge azır, amma teslim olmağa degil", dep bildirdi.
"Bugün ukrayin eyyeti Londrada ortaqlarınen körüşkende biz öz printsipial noqta-i nazarımıznı tasdıqlaymız: Ukrayina muzakerelerge azır, amma teslim olmağa degil. Rusiyege yañıdan küç toplamaq ve daa çoq zorbalıqnen qaytmaq içün kerek olğan daa sağlam bir temel berecek bir añlaşma olmaycaq. Topraqta, avada ve deñizde ateşni toqtatuv kerekli ilk adımdır. Eger Rusiye sıñırlı teneffüsni saylasa, Ukrayina aynı şekilde cevap berecek", — dep bildirdi Sviridenko içtimaiy ağda.
Onıñ aytqanına köre, ukrayin halqı barışıq olaraq gizlengen buzlatılğan zıddiyetni qabul etmez.
"Biz Qırımnıñ işğaline iç bir vaqıt razı olmaycaqmız. NATO azası olmağan taqdirde, Ukrayina telükesizlik kefaletlerini talap etecek. Bu kefaletler kelecekte tecavuznı toqtatmaq içün yeterli derecede küçlü ve barışıqnı temin etmek içün yeterli derecede açıq olmalı", — dep qoştı o.
Bir kün evel Ukrayina prezidenti Volodımır Zelenskıy Kıyivde jurnalistlerniñ suallerine cevap berip, Ukrayina Qırım Muhtar Cumhuriyetiniñ işğaline uquqiy şekilde razı olmaycağını bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
