Qırımda fevralniñ 12-13-nde ava birden deñişecek. Bu aqta Qırımdaki Rusiye Fevqulâde vaziyetler nazirliginiñ idaresi haber ete.
«Qar olğan yağmur, bazı yerlerde küçlü yağanaqlar yağacaq, qar boranı, küçlü klegey buz, buzlavuq. Pek küçlü şimaliy-ğarbiy yel süratı saniyede 25-30 metr olacaq, Qırımnıñ cenübiy yalısında saniyede 33 metrge qadar yetecek, dağlarda saniyede 35-40 metr olacaq. Ava arareti 10-13 derece tüşecek», – dep aytıla haberde.
Bundan ğayrı, Qırımda fevralniñ 13-nden 18-ne qadar pek suvuq ava olması beklenile. İklim normasından 7-8 derece az olacaqtır.
Cuma künü, fevralniñ 12-nde, yaramay ava sebebinden Aqyar körfezinden reyd qapatıldı.
Sevavtodor yaramay ava sebebinden yüksek seviyeli azırlıq rejimine avuştırıldı.
Aqmescit ava limanında Rusiye uçaqları keç qala.
Qırımdaki qoruqlar yaramay ava sebebinden ziyaretlerge qapatıldı.
