Link açıqlığı

Qırım «akimiyeti» yarımadanıñ şarqında – Eski Qırım şeeri civarında yañı araçıqlarnı teşip başladı. Ve dağ eteginde anbarlarnıñ suvını işletmege qarar aldı.
Bunı içtimaiy ağlarda Qırım «baş-naziri muavini» Rustam Temirgaliyev bildirdi.

«Kiyev huntasınıñ aqiqiy yüzü Şimaliy-Qırım kanalı vastasınen yarımadağa kelgen suvnıñ yiberilmesini toqtatqan soñ daa açıq körünip başlandı. Sanki qırımlılar vesiqalarnı bermegenler emiş…Biz Ukraina devlet suv hocalığınıñ talabınen añlaşma leyhilarını 4 kere tüzetip, berdik! Suv ise, yoq», – dedi o.
Bunen beraber, «akimiyet» meseleniñ çezüv yollarını endi buldı, dep qayd etti R. Temirgaliyev.

Bunıñ içün yañı araçılıqlar teşilip, Kefedeki eski borular tamirlenecek.

Qırımlılar içmek içün temiz suvnıñ yetişmemezligini duymazlar. Tarlalar ise, zarar körmesi mümkün, qayd etti «baş nazir muavini».

«Bu sebepten suvnı muqayt qullanyıq ve iqtisad eteyik», - yazdı Temirgaliyev.
XS
SM
MD
LG