Aqmescitte cuma künü, iyülniñ 12-nde, sağanaqlar yağdı, yollarnıñ bir qısmı suv altında qaldı. Şaatlar içtimaiy ağlarda foto ve videolarnı derc ete.
Hususan Borçoqraq (Fontanı) qasabasınıñ soqaqlarını suv bastı.
Küçlü sağanaq iyülniñ 12-nde Kezlevde de yağdı.
Rusiye Fevqulâde vaziyetler nazirliginiñ Qırım idaresi yarımadada furtuna havfını ilân etti. Qırım qurtarıcıları iyülniñ 12-niñ soñuna qadar yarımadanıñ çeşit rayonlarında küçlü sağanaq, boranlı yağmur, iri burçaq yağacaq ve saniyede 20-25 metr süratlı yel esecek, dep haber etti.
