Link açıqlığı

Saatnıñ esas haberi

Suriye “ğanimet”leri: Aqyarda silâ sergisi (süret toplamı)

Martnıñ 3-ünde saba Aqyarda demiryol vokzalında“Suriye qırığı” köçme sergisi açıldı. Sergi nümüneleri arasında sanki “Suriye uruşlarında terrorcılardan tutılıp alınğan” silâ ve teçhizatlar kösterile. Olarnıñ arasında, teşkilcilerniñ aytqanına köre, özyapma patlayıcı cihazlar, qanunsız himiyeviy ameliyathane, “şeitlerniñ maşnası” ve arbiy maqsatlar içün deñiştirilgen maşnalar.

Teşkilciler, sergide 500-den ziyade silâ çeşiti numayış etildi, dep bildire. Bundan ğayrı demiryol vokzalınıñ meydanında köçüci aşhane ve kontsert sanası qoyuldı. Rusiye arbiy adamları, ekskursiya keçirip, Suriyedeki cenk tecribeleri aqqında aytıp bere edi.
Qırım.Aqiqat mühbiriniñ haber etkenine köre, köçme sergi ile Aqyarğa Suriye akimiyetiniñ vekilleri de keldi. Yigirmige qadar suriyeli zırhlı taşıtlarğa minip, “Ura!” qıçıruvlarınen Suriye ve Rusiye bayraqlarını salladı.

Keççe “ğanimet zırhlı teçhizatı” kösterişi yanında “Faşistlerge qarşı halqara Aqyar birligi” azalarınıñ aktsiyası keçti. Olar Suriye bayrağını köterdi ve öz teşkilâtı adınen yazını açtı. Olarnıñ aytqanına köre, böyle etip olar, “milletçilik ve faşist idealogiyasına” qarşı narazılıqnı kösterdi.

“Suriye qırığı”sergisi nasıl keçkenini Qırım.Aqiqat mühbiriniñ süret reportajında baqıñız.

Facebook Forum

XS
SM
MD
LG