«Sentâbrniñ 8-nde saba Sumı şeerine qarşı yapılğan darbe neticesinde barışıqsever sakinlerniñ mesken sektorı bayağı zarar kördi. İlk malümatqa köre, eki qatlı ev yıqıldı, 20-den çoq ev ve 8 naqliyat vastası zarar kördi, yanğın çıqtı», – dep aytıla Ukrayına fevqulâde vaziyetler hızmetiniñ haberinde.
Qayd etilgenine köre, eki insan yıqılğan binalarnıñ altında qaldı.
Bundan ğayrı, Rusiye arbiyleri saba bir qaç raketanen Zaporijjâğa ücüm etti, eñ az bir kişi yaralandı, dep bildirdi arbiy memuriyet yolbaşçısı Yuriy Malaşko.
«Saba duşman bir qaç (ilk malümatqa köre – ballistik) raketanen vilâyet merkeziniñ vatandaş infrastruktura obyektlerine ücüm etti. Hızmetler çalışa. Eñ az bir kişi yaralandı», – dep yazdı o, Telegramda.
Avgustnıñ 20-nde Ukrayına prezidenti Volodımır Zelenskıy Rusiyeniñ büyük istilâsı başlağanından Ukrayınağa qarşı altı biñ raketa ve üç biñ drondan çoq qullanıldı, dep bildirdi.
Rusiye arbiyleri raketa, uçucısızları, topları yetken Ukrayina şeerlerine muntazam sürette ateş aça. Delillerge baqmadan, Rusiye vatandaş ve arbiylerge qarşı cenk cinayetleri alâqası olğanını inkâr ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
