Aprelniñ 13-nde Rusiyeniñ Sumı şeerine qarşı ücümi neticesinde yaralanğanlarnıñ sayısı 99-ğa arttı, 11-i – bala, dep aytıla Ukrayina fevqulâde vaziyetler devlet hızmetiniñ haberinde.
Qurtarıcılarnıñ malümatına köre, 32 insan elâk oldı. Fevqulâde vaziyetler devlet hızmeti al-azırda qazaiy-qurtaruv işleri devam ete.
Baş prokurornıñ ofisi haber etkenine köre, aprelniñ 13-nde saat 10:15-lerde Rusiye arbiyleri şeer merkezine eki raketa darbesini endirdi.
Rusiye arbiyleri Ukrayina regionlarına çeşit silâlarnen muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminatı obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd eteler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
