Link açıqlığı

Saatnıñ esas haberi

Sumı vilâyetinde Rusiye dronlarınıñ darbesinden üç insan elâk oldı, aralarında bala bar


Oktâbrniñ 22-ne keçer gecesi Rusiye uçucısızlarınıñ Sumı vilâyetine qarşı darbesi neticesinde üç kişi elâk oldı, aralarında bala bar, dep haber ete yerli memuriyet.

«Duşman uçucısızlarınıñ gece vilâyet merkeziniñ şahsiy sektorındaki mesken evlerine qarşı darbeleri neticesinde üç kişi elâk oldı, aralarında bir bala bar», – dep aytıla vilâyetniñ memuriyet haberinde.

Yerli akimiyet bir gecede sıñırdaki Sumı vilâyetinde 25 «Şahed» urıp tüşürildi, dep bildire.

Rusiye ordusı Sumı vilâyetine muntazam sürette ateş aça, darbeler esasen energetika ve infrastruktura obyektlerine kele.

Oktâbrniñ 20-nde energetika obyektine yapılğan ücüm sebebinden Sumı vilâyetiniñ Romen rayonındaki 100-den çoq mesken yer ışıqsız qaldı. Oktâbrniñ 19-nda Rusiye ordusı regiondaki energetika obyektine ücüm etti – Sumı vilâyetindeki darbeler sebebinden elektriktler kesilgen edi.

Oktâbrniñ 19-na keçer gecesi Rusiye arbiyleri idare etilgen ava bombaları ve «Şahedlernen» Sumı vilâyetindeki Şostkağa ücüm etti – o vaqıt da energetika ve infrastruktura obyektleri zarar kördi.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG