Sudaqta gece sağanaq yağdı, neticede bazı soqaqlarnı suv bastı, şeerniñ merkeziy plâjını ise suv aman-aman tolusınen yuvıp alıp ketti.
Şeer memuriyetiniñ yolbaşçısı İgor Stepikovnıñ bildirgenine köre, sağanaq Gagarin ve Gora Fireynaya soqaqlarınıñ çaprazına bir sıra çamur ketirdi. Onıñ aytqanına köre, Ayvazovskiy ve Spendiarov soqaqları sağanaqtan eñ çoq zarar kördi.
«Sağanaq o qadar küçlü oldı ki, suv, topraq, taşlar zıqığa dayanamağan sağanaq aquvları üstünden keçti. Sudaq şeer okrugınıñ köyleri de sağanaqtan zarar kördi», – dep aytıla Stepikovnıñ Facebook haberinde.
Memuriyet yolbaşçısınıñ aytqanına köre, yaramay ava aqibetlerini kommunal müessiseler, şeer şurasınıñ deputatları, iş adamları ve yerli sakinler yoq ete.
Rusiye tarafdarı bloger Sandro Kiriak Sudaqta suv basqan Servi alleyasınıñ videosını derc etti.
Daa evel sağanaq Bağçasaraydaki evlerni bastı, dep haber etilgen edi.
Qırımda iyülniñ 21-nde ve 22-nde furtuna ihtarı ilân etilgen edi. Sinoptiklerniñ tahminlerine köre, yarımadada küçlü sağanaq, boranlı yağmur, burçaq yağdı, yel süratı saniyede 20-25 metr oldı.
