Ukrayina Silâlı quvetleriniñ işğal etilgen Qırımda Rusiye gruppirovkasına arbiy basqısı artqanı sebebinden RF arbiyleri yalı boyu ateş noqtaları ve közetüv noqtalarını quralar, şimdi Sudaqta da.
"Sudaq qalesi altında yalı qoruvınıñ qurşunatqıçları içün ateş noqtası olaraq qullanıla bilgen eki közetüv noqtası azırlanğan. Bu, RF Mudafaa nazirliginde Ukrayina Silâlı quvetleriniñ arttıruv imkânlarını ve bunıñnen bağlı telükelerni añlağanını köstere, Qırımnıñ Rusiye yolbaşçısı Sergey Aksönovnıñ Ukrayina Silâlı quvetleriniñ Qırımda topraq ameliyatını keçirip olamağanı aqqında aytqanları ise, Rusiye tarafdarları olğan qırımlılar, "yañı kelgenler" ve turistlerniñ havflı duyğularını bastırmaq içün yapılğan teşviqat lafları ola", — dep bildirdi Qırım.Aqiqatqa Qırım işğalinden azat etilmesi içün #LiberateCrimea halqara areketiniñ faali Sudaklı, onıñ soyadını muarririyet telükesizlik maqsadınen aytmay.
Onıñ qayd etkenine köre, Ukrayina Silâlı quvetleriniñ arttıruv küçü yerli kollaborantlarnı raatsızlay, olar "Qırım mevzusı qapalı degil" dep tüşüne.
"Yazıq ki, Sudaqta ve qırımtatarlar arasında işbirlikçilerimiz bar, olar az, amma şimdi olarnıñ tuvğanları Rusiye akimiyetinen işbirlik yapmağa qarar alğanlarına pek peşman olğanlarını bildireler. Şimdi şeerniñ rusiyeli akimiyetiniñ daa büyük probleması Rusiyede kelecek "saylavlar"ğa yerli şuralarğa akimiyet partiyasınıñ cedvellerine qırımtatarlardan daa az itibarlı birini kirsetmek", — dep qayd etti faal.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
