Bu yıl ilhaq etilgen Qırımdaki Sudaq narat bazarlarına ekseriyetle Rusiyeniñ Penza şeerinden arça ketireler. Bunı Rusiye nezaretindeki Sudaq şeer memuriyetiniñ ticaret bölügi haber ete.
"Şeerde dört narat bazarı çalışacaq. Arçanı Lenina soqağında, Mayakovskogo soqağında satın almaq mümkün. Ve er yıl kibi narat bazarı - şeer memuriyeti yanındaki Molodöjnaya meydanında açılacaq", - denile memuriyetniñ beyanatında.
Ticaret bölügi bildirgeni kibi, bu yıl eñ ucuz yañı yıl arçasınıñ fiyatı 500 ruble olacaq. Bu aqçağa bir metrden biraz yüksekçe arçanı almaq mümkün. Yañı yıl naratınıñ orta fiyatı 600-700 ruble, bildireler memuriyette.
Şeer akimiyetiniñ malümatına köre, arça satışı dekabrniñ 9-ında baslandı ve Milât bayramına qadar sürecek. Satış noqtaları saba saat 8-den aqşam saat 8-gece çalışa.
Daa evel Aqmescitte narat satışı tahminen dekabrniñ 16-sında başlanacaq, dep haber etile edi. Bu yıl arçanı satqan 28 noqta olacaq.
