Rusiye nezaretindeki Sudaq akimiyeti, Qapsihor (Morskoye) köyünde olğan yanğınnıñ zararını saydı. Böylece, şeer memuriyetiniñ malümatına köre, etraf müitine tiygen zararnıñ miqdarı 1 million 800 biñ rubledir.
Bildirile ki, yanğında, Rusiye Qızıl itabına kirsetilgen Pitsunda çam terekleri yandı.
Adise sebebinden Sudaq akimiyeti, avgustnıñ 12-sinden başlap mahsus yanğın rejimini ilân etti.
Daa evel Qırımda avgustnıñ 22-sine qadar yüksek yanğın telükesi vaziyetini ilân ettiler.
