Orman qaravulları, Sudaq yanındaki El Buzlu (Perevalovka) köyünde emen ve kökağaç tereklerini pıçqan aqaynı tuttılar. Bunı Qırım ekologiya nazirliginiñ matbuat hızmeti bildirdi.
"Cenüp-şarqiy orman müdirliginiñ hadimleri El Buzlu köyüniñ sakinini tuttı, o emen ve kökağaç tereklerini pıçıp, maşnasına yükley edi", - denile beyanatta.
Müessisege köre, ormancılar polis hadimlerini çağırttı, olar ise tereklerniñ qanunsız pıçılması sebebinden memuriy ve cinaiy protokol tizdi.
Daa evel Aqyarnıñ Leninskiy rayon prokuraturası, Qızıl Kitapta olğan üç çam tereginiñ qanunsız pıçılması aqqında haber etti.
