Ayvanlar ile foto çektirgen adamlarnıñ iştiraginen toplu çapqınlıq boyunca cinaiy dava açıldı. Vaziyetniñ mahsus közetüvini Sudaq prokuraturası ve şeer memuriyeti becere, dep iyül 23-ünde bildirdi Qırımnıñ rusiyeli medeniyet ve turizm nazirliginiñ matbuat hızmeti.
Tünevin içtimaiy ağlarda, bir taqım bilinmegen şahıslar Ceneviz qalesiniñ yanında aqaynı urğanını çekken video peyda oldı. Tefsirlerde blogerler añlattılar ki, "fotojivodör" denilgen ayvanlar ile foto çektirgen adamlar, turistke ayvan ile süret içün tölemekni red etkeni içün atıldı.
Sudaq şeer memuriyetiniñ başı Andrey Nekrasov, buña açıq-aşkâr dava ve banditizm kösterüvi dedi. Onıñ aytqanına köre, memuriyet hadimleri sıq-sıq yazdırğan idariy protokollar, "fotojivodör"larnı qorquzmay. Bu sefer ise cinaiy dava açılacaq, qabaatlılar adaletli ceza çekmeli.
Şeer memuriyeti, ayvanlarnı qullanğan qanunsız bizneske qol tutmamağa ve quşlar ile ayvanlarnen süret çekmekten vazgeçmege çağırta.
