Rusiye akimiyetiniñ Qapsihor (Sudaq) şeerinde evini yıqacaq olğan qırımtatar milliy areketiniñ veteranı Rustem Üseinov yaramadı, onı acele yardım alıp ketti, dep haber ete Qırım.Aqiqat mühbiri.
Onıñ malümatına köre, erkek eki taraflı pnevponiya diagnozı ile statsionarda tedaviylene. Üseinovnıñ qan basımı yükselgeni içün acele yardım alıp ketken.
Mühbirniñ qayd etkenine köre, binanıñ yıqıluvını daa başlamağanlar.
Hatırlatamız, noyabrniñ 24-nde Üseinovnıñ Qapsihordaki evine mahkme icracıları, Rusiye polisi, OMON hadimleri ve diger hızmetler evini yıqmaq içün keldi. Qırım.Aqiqat mühbiriniñ bildirgenine köre, bu yılnıñ yazında yerli memuriyetniñ "araziniñ qanunsız inşaatı aqqında" davası boyunca mahkeme esnası keçirilgen. Mahkeme Üseinovnıñ iştirgi olmadan keçken, çünki oña haber bile etilmegen.
