Link açıqlığı

Saatnıñ esas haberi

Strasbourgde “sarı yelekler”niñ polis ile çatışması: 42 insan tutılıp alındı


Parijde “sarı yelekler”niñ narazılığı. Arhiv süreti
Parijde “sarı yelekler”niñ narazılığı. Arhiv süreti

“Sarı yelekler” fransız areketiniñ iştirakçileri aprelniñ 27-sinde ülke prezidenti Emmanuel Macron ve onıñ akimiyetiniñ siyasetine qarşı aktsiyalarını devam etti. Strasbourgde Avropa parlamentine narazılıq yürüşi yapılacaq edi, amma polisler kirişti.

Çatışma neticesinde narazılıq köstergen 42 adam tutılıp alındı, ve yüüş iştirakçilerini quvmaq içün polis köz yaşartıcı gaznı qullanğanı sebebinden altı adam zararlandı, dep bildire Azatlıq Radiosı.

Numayışlar Parij, Lion ve Bordo şeerlerinde de keçti, amma anda çatışmalar olmadı.

Frenkistan İçki İşler Nazirliginiñ bildirgenine köre, bu 25-inci narazılıq aktsiyalarında bütün memleket boyunca 5500 adam iştirak etti.

Makron bergilerni eksiltkeninden eki kün keçkeninden soñ (bu qarar 5 milliard yevroğa tüşti), narazılıq aktsiyaları kene yañıdan başladı. Teklif narazılıq numayışlarına cevap edi.

2018 senesi noyabrde yaqıt fiyatlarınıñ köterilüvine qarşı narazılıq kibi başlağan “sarı yelekler” areketi, şimdi fransız akimiyetiniñ yönelişine qarşı olğan adamlarnı, şu sıradan sağcı ve solcılarnı da, birleştire. Soñki vaqıtta iştirakçi sayısı ve zorbalıq seviyesi bayağı eksildi.

XS
SM
MD
LG