NATO baş kâtibi Yens Stoltenberg, ittifaq sammitinde Ukrayinağa qoltutuv "eñ müim vazife" olacaq, dep bildirdi.
"Devlet ve ükümet yolbaşçıları Ukrayina içün müim paketni qabul eteceklerini bekleyim", — dep qayd etti o.
Stoltenbergniñ aytqanına köre, NATO özü "üç yıldızlı general yolbaşçılığında ve Almaniyadaki NATO ştab-kvartirasında ve ittifaqnıñ şarqiy qısmındaki maddiy-tehnikiy noqtalarında çalışqan 700 şahsiy erkânnıñ destegi ile halqara telükesizlik saasında yardımnıñ koordinatsiyasını ve berüvini" öz boynuna alacaq.
Onıñ qayd etkenine köre, bu NATO-nı çatışma tarafı etmeycek, amma özüni qorumağa yardım etecek.
Stoltenberg, ittifaqdaşlar "Ukrayinağa qol tutuv qararını tasdıqlaycaqlarına" ve sammitte er yıl 40 milliard yevro miqdarında maliyeviy yardım aqqında añlaşacaqlarına ümüt ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
