İyülniñ 11-nde Vilnüste NATO Baş kâtibi Yens Stoltenberg Ukrayina Alyanstan "pek küçlü ve müsbet bir signal" alacağını bildirdi.
"2008 senesi nevbetteki adım Azalıq faaliyeti planı olğacağı aqqında qarar alğanımızdan soñ Ukrayina uzun yol keçti. Ukrayina NATO-ğa pek yaqındar, şunıñ içün bunı NATO qararlarında köstermek vaqıt keldi dep sayam", - dep ayttı Stoltenberg.
"Azalıq faaliyet planını lâğu etecekmiz, quvetleriniñ kerçek NATO quvetlerine çevirecekmiz, bir NATO-Ukrayina Şurasını yaratacaqmız. Bütün bular birlikte Ukrayinağa NATO-dan pek küçlü ve müsbet bir signal yollaycaq", – dep qoştı o.
Stoltenber NATO ittifaqdaşları Ukrayinanı desteklemek içün "küçlü ve yekâne qarar" qabul eteceklerine inanğanını bildirdi.
İyülniñ 10-nda Ukrayina prezidenti Volodımır Zelenskıy NATO-nı Ukrayinağa Alyans azalığını desteklemek içün "aydın bir signal" köstermege çağırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
