Halqara "Qırım platforması"nıñ ekinci parlament sammiti oktâbrniñ soñunda Pragada keçirilecek, dep bildirdi "Ukrinmfor" agentligine Ukrayina Yuqarı Radasınıñ yolbaşçısı Ruslan Stefançuk.
Onıñ sözlerine köre, sammit oktâbrniñ soñunda keçirilecek. Al-azırda iştirak etecek memleketlerniñ cedveli belgilene. Stefançuk, tedbirge Qırımdaki Rusiye cinayetleriniñ şaatlarını celp etmek içün çareler kürüle, dep qayd etti.
Bundan ğayrı, Ukrayina parlament azaları sammitte iştirak etken devletlerniñ temsilcileri ile öz parlamentlerinde sammitni teşkil etecek fraktsiyalarara mahsus birleşmelerniñ yaratılmasını muzakere eteler. Bu kibi gruppalar artıq bazı Baltıq memleketleriniñ parlamentlerinde bar.
"Qırımnıñ işğalden azat etilmesinde bizim içün parlamentlerniñ destegi müimdir. Ay-Petri üzerinde Ukrayina bayrağı yelpirep başlaması içün elimizden kelgenini yapamız", - dedi o.
2022 senesi oktâbrniñ 24-nde Horvatiyada "Qırım platforması"nıñ 1-nci Parlament sammiti öz işini başladı. Sammit eki kün devam etti. Birinci kün Qırımnıñ işğalden azat etilmesinden soñ reintegratsiyası meselelerine, keçüv adliye ve Rusiyeniñ halqara cinayetleri içün mesüliyetke çekilmesi aqqında munaqaşalarğa bağışlanğa edi.
2022 senesi avgustnıñ 23-nde Rusiyeniñ Ukrayınağa qarşı büyük istilâsından soñ online şekilde «Qırım platformasınıñ» ekinci sammiti keçirildi.
Ukrayina prezidenti Volodımır Zelenskıy «Qırım platforması» sammitini açıp, qırımlılarğa Ukrayina akimiyeti Qırımğa «kesen-kes qaytacaq», dep ayttı.
«Qırım platforması» – Ukrayinanıñ teşebbüsinen qurulğan halqara mesleat-koordinatsion formattır. Onıñ maqsadı Qırım işğaline qarşı halqara cevap semereligini arttırmaq, telükesizlik havflarınıñ artmasına cevap bermek, Rusiye Federatsiyasına qarşı halqara basqını quvetleştirmek, insan aqlarınıñ bozuluvına yol bermemek ve Rusiye rejiminiñ qurbanlarını qorumaq, em de esas maqsadı Qırımnı işğalden azat etip, Ukrayinağa keri almaqtır.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
