Link açıqlığı

Saatnıñ esas haberi

Şoygu Ukrayınada Ğarptan kelgen silâ sebebinden «tahmin etilmegen kerginleşüv seviyesi» aqqında ayttı


Sergey Şoygu
Sergey Şoygu

Rusiye Mudafaa naziri Sergey Şoygu ABD ve ortaqlarını Kyivge ağır silâ bergenleri içün «Ukrayınadaki zıddiyetni uzatmağa tırışqanlarında» qabaatladı.

«Bu maqsatnen olar ağır ücüm silâsını berip başladı, Ukrayınanı topraqlarımıznı zapt etmege açıq-açıq çağıralar… Böyle adımlar NATO memleketlerini zıddiyetke celp ete ve tahmin etilmegen kerginleşüv seviyesine ketire bile», – dedi Şoygu Rusiye Mudafaa nazirliginiñ fevralniñ 7-nde olğan toplaşuvında.

Onıñ aytqanına köre, «Rusiye ordusı Kyivge berilgen silâ ve tehnikanı em yolda, em uruş yerlerinde yoq etmege devam ete». Şoygu, yanvar ayında Ukrayına Silâlı quvetleriniñ 6,5 biñden çoq askeri öldürildi, 341 tank, 26 uçaq ve yedi vertolöt yoq etildi. Rusiye naziriniñ aytqanlarını isbatlaycaq mustaqil bir menba yoq.

Şoygu bunı Ukrayına Rusiye yaqın aylarda yarım million insanğa qadar seferber etecegini beklegende ayttı. Bu aqta Ukrayına Baş istihbarat idaresininh vekili Vadım Skıbıtskıy ayttı. O, böyle seferberlik Moskvağa «2023 senesi baarde ve yazda Ukrayına cenübi ve şarqında ücüm areketlerini kerçekleştrmek içün» kerek, dep qoştı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG