İşğal etilgen Qırımda fevral ayından başlap qırımtatarlarnıñ tutıp esir etilüv adiseleri artqan. Bunı "Qırım ğayesi" haber ete.
"Qırım ğayesi" ekspertleri soñki üç ay içinde qırımtatarlarğa nisbeten eñ az 18 böyle adise qayd ettiler. Böyle adiseler belki de daa ziyadedir, amma adamlar ilerideki basqılardan qorqıp, bunı gizleyler", - dep bildirdiler teşkilâtta.
Haber etilgeni kibi, tutıp esir etilmeler esasen erte saba ola eken. Rusiye quvetçileri evge kirip, tintüv keçire, gacetlerni tutıp ala, soñra insanlarnı bellisiz yerge alıp kete ekenler.
Ukrayina prezidentiniñ Qırım MC daimiy temsilciliginiñ malümatına köre, rusiyeliler yarımadada qanunsız sürette 181 Ukrayina vatandaşını tevqif etkenler, olarnıñ arasında 117 qırımtatardır.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
