Somali paytahtı Mogadishu şeerinde iyün 15-inde eki patlav neticesinde eñ azından 11 adam elâk oldı. Bu hususta ğarbiy haber agentliklerine esaslanıp Azatlıq Radiosı bildirmekte.
Birinci patlav prezident sarayınıñ kiriş-cıqış noqtası yanında oldı, onıñ neticesinde 10 adam vefat etti. Ekinci bomba patlavında, ava limanına ketken ve kiriş-çıqış noqtasında toqtalğan maşnanıñ aydavcısı ve yolcusı elâk oldı.
Bu qazalarda 25 qadar adam yaralandı.
Ücüm içün mesüliyetni özüne “Al-Qaeda”nen bağlı olğan “Al-Şabab” Somali ekstremist gruppası aldı.
