Bu aqta Ukrayınanıñ Bulğaristan elçihanesiniñ Facebook saifesi haber ete.
Sergi imaye qalqanları şeklinde qırımtatar örneklerinen bezetilgen çölmek pannolardan, Qırımnıñ tarihı ve medeniyeti aqqında informatsion levhalardan ibaret.
Bulğaristan Tış işler naziriniñ muavini Mariya Angeliyeva sergi açılışında şunı qayd etti: «20 yıldan berli bu artefaktlar üzerinde çalışqan ressam Rustem Skibinni selâmlayım. Bu tarihiy örnekler – adaletsizlikke qarşı canlanuv ve ayat devamınıñ timsalidir».
Ukrayına elçisi Olesâ İlaşçuk qayd etkenine köre, Sofiyada «Qalqan» sergisi qırımtatar halqı genotsidiniñ qurbanları hatırasına yapıla.
Sergi açılışına siyasiy, ekspert, bediiy ve diplomatik vekiller, bulğar cemaatı, Sofiyadaki qırımtatar ve ukrayın cemiyetleriniñ faalleri keldi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
