Slovakiya Ukrayinağa 16 "Zuzana" özyürer gaubitsa berecek, memleketler beraber yañı tür gaubitsa işlep çıqaracaq, dep bildirdi Slovakiya devlet başı Zuzana Çaputova iyülniñ 7-nde Brativlavada.
"Ukrayinağa 16 ''Zuzana'' teslimatı içün bir añlaşma imzala bildik ve bu tezden olacaq. Bundan ğayrı biz beraber yañı tür gaubitsa işlep çıqaracaqmız, birlikte arbiy yedekler istisalı başlaycaq ve bizim müessiselerimiz Ukrayina topraqlarını minasızlaştıracaq", - dedi Çaputova.
Ukrayina devlet başı Volodımır Zelenskıy Slovakiyanıñ büyük cenk ayları devamında Ukrayinağa köstergeni mudafaa destegi içün minnetdarlıq bildirdi.
Bu sene yanvar ayında Ukrayina Silâlı Quvetleri Slovakiya istisal etken sekizinci ''Zuzana 2'' özyürer gaubitsa alğan edi.
İyülniñ 7-nde Ukrayina prezidenti Slovakiyanı ziyaret etken edi. Bundan evel Zelenskıy Çehiya prezidenti Petr Pavel ile korüşken edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
