Ukrayina Mudafaa nazirligi Baş istihbarat idaresi, müessiseniñ haberine köre, aprelniñ 6-na keçer gecesi Keriç boğazındaki demiryol paromına endirgen darbesi aqqında esap berdi.
"2026 senesi aprelniñ 5-nden 6-na keçer gecesi Ukrayina Mudafaa nazirligi Baş istihbarat idaresiniñ faal areketler departamentiniñ ustaları uçucısız darbelerinen "slavâninni" çalışacaq aldan çıqardı – Keriç boğazında qalğan soñki demiryol limanı. "Slavânin" vaqtınca işğal etilgen Qırımda Rusiye arbiylerini yanıcı-mazlayıcı madde, silâ, arbiy tehnika ve silânen temir etüvde müim rol oynadı", – dep aytıla müessise haberinde.
Ukrayina Mudafaa nazirligi Baş istihbarat idaresi Keriç boğazında Rusiye paromlarına yapılğan ücüm aqqında endi bildirgen edi. Martnıñ 14-ne keçer gecesi "Avangard" ve "Slavânin" paromları zarar kördi, dep bildirdi müessise.
Rusiye arbiyleri ve akimiyeti bu haberlerni izaatlamadılar. Bu malümat tasdıqlanmalı.
Hatırlatamız, 2024 senesi iyulniñ 23-nde Ukrayina Mudafaa nazirligi Baş istihbarat idaresi "Kavkaz" limanında "Slavânin" demiryol paromına zarar ketirdi, dep bildirdi. O yıl darbe "Avangard" paromına da endirildi.