Link açıqlığı

Slavânskta referendumnı keçirmege isteyler – şeer başı


Slavânskta referendumnı keçirecekler. «Ukrainskaya Pravda» yazğanı kibi, bu aqta LifeNews rusiye telekanalınıñ efirinde şeer başı Nelâ Ştepa bildirdi. Aytqanı kibi, buña bütün şeer qol tuta.

«Biz referndumnı keçirecekmiz. Bizde olğan adiseler şunı bildire ki, Ukraina akimiyeti tüşünmek kerek…. Şeerde müessiselerniñ 92% Rusiye ile çalışa ve bizim içün bu memleketnen şerik munasebetlerimiz pek müimdir. Slavânsk Rusiyeni öz ağası olaraq tanıy, biz – Donbass ve Rusiye – qan qardaşmız ve Rusiye ile cenkleşmeycekmiz. Eşitesiñiz, şeerliler soqaqlarda «Aferin» dep qıçıra», – dedi Ştepa.

Onıñ aytqanına köre, o şeer memuriyetniñ ve millitsiyaniñ zaptı aqqında saba saat 8-de bildi. Binada 1000-en ziyade insan bar eken.

O: aktivistlerniñ areketlerini Ukraina akimiyeti tarafından silâ vastası ile toqtatuvına qarşı çıqa.

Slavânskta saba militsiyanıñ rayon bölüginiñ binasını zapt etken silâlı insanlar bunı silâ içün yaptı. Ukraina içki işler nazirliginiñ matbuat-hızmeti bildirgenine köre, bina içinde şimdi 20 silâlı adam bulunmaqta. Olar özlerini Donetsk cumhuriyetniñ teşebbüs gruppası olaraq tanıttılar. Zapt neticesinde binada bulunğan insanlar reine olıp qaldı, dep bildire Radio Svoboda.

Şimdi olğan malümatqa köre, eñ azından üç militsiya hadimi al-azırda hastahanede buluna.
XS
SM
MD
LG