"Skit altını" kollektsiyası Kıyivdeki Milliy müzeyde saqlanacaq. Bunı brifing vaqtında Ukrayina medeniyet ve haber siyaseti naziriniñ muavini Katerına Çuyeva haber etti.
"Saqlanacaq yeri belgilengen, Ukrayina medeniyet ve haber siyaseti nazirliginiñ emri ile bu "Ukrayina tarihı milliy müzeyidir. Diger tafsilât malüm degil", - dep bildirdi Çuyeva.
İyünniñ 9-nda Felemenk Yuqarı mahkemesi "Skit altını" Ukrayiağa qaytarılmaq kerek, dep qarar çıqardı.
500-den ziyade müzey eşyasından ibaret «Qırım: altın ve Qara deñizniñ sırları» sergisi 2014 senesi yanvarniñ 19-nda Almaniyanıñ Bonn şeerindeki Reyn ülkeşınaslıq müzeyinde keçirilgen edi. Daa soñra Amsterdamdaki Allard Pierson arheologik müzeyinde açıldı. Sergi 2014 senesi fevralniñ 7-nden avgustnıñ 31-ne qadar devam etti, faqat Rusiyeniñ Qırım işğalinden sebep Qırım müzeylerine qaytıp olamadı.
Qırımnıñ dört müzeyi eksponatlarnıñ qaytarıluvınen bağlı davanı Allard Pierson müzeyine qarşı açtırğan edi. Ukrayina akimiyeti artefaktlar müzeylerniñ mülki degil, Ukryaina devletine ait, dep bildirdi. Felemenk müzeyi qadı qararı olmağan soñ ya da taraflar añlaşqanına qadar eksponatlarnı bermemege qarar aldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
