Link açıqlığı

Saatnıñ esas haberi

«Siz olmasa ediñiz, men sağ qalmaz edim». Baluh ukrainalılarğa muracaat etti


Vladimir Baluh mahkemede. 2017 senesi noyabr ayı

Qırımda mahküm etilgen ukrain faali Vladimir Baluh açlıqnı toqtatmağa qarar aldı. Bu aqta oktâbrniñ 9-nda Kyivdeki matbuat konferentsiyasında Arhiyepiskop Kliment oquğan Baluhnıñ muracaatında aytıla. Qırım.Aqiqat elde etken muracaat metni aşağıdadır.

Sayğılı ukrainalılar! Aqmescit SİZOsınıñ esirliginde bulunğan soñki künlerimde sizge muracaat etem. Soñra – koloniya. Soñki 22 ay devamında beden ve maneviy olaraq sağ qalmam siz, taqdirimde iştirak etmeñiz ve ailemniñ taqdirinde iştirakiñiz olmasa edi, mümkün olmaz edi. Qoltutqanıñız içün sağ oluñız!

İşğalciniñ ceza sistemasında sağlam fikir ya da namus imasınıñ fidançıqları yanğan araçıqnı tapmağa tırışaraq, soñki fursatnı qullanıp, açlıqnı toqtatmağa qarar aldım.

İşğalciniñ ceza sistemasında sağlam fikir ya da namus imasınıñ fidançıqları yanğan araçıqnı tapmağa tırışaraq, soñki fursatnı qullanıp, açlıqnı toqtatmağa qarar aldım

Bu adaletsizlikte özümni saqlap qalmağa tırışacam, amma bunı da bir şeyni acımayıp yapmaycam. Maydanda Sema Yüzü Qaramanları canını feda etip, Halqımnıñ namusı ve itibarını qorçaladı, bu ise menim ayatımdan qat-qat qıymetlidir. Şu sebepten işğalciniñ aşını aşamaycam ve apishane urbasını kiymeycem.

Bu metinde beyan etken areketlerimniñ aqibetlerini añlap, sizge muracaat etem ve soñki ricamnı yerine ketirmege çağıram: beden ya da maneviy olaraq vefat etsem, naaşımnı işğal etilgen topraqta qaldırmañız. Naaşım olacaq yerni qorantam saylasın – men ise Kyiv civarında Dnipro yalısındaki bir köy olmasını ister edim.

Sizge muracaat etem ve soñki ricamnı yerine ketirmege çağıram: beden ya da maneviy olaraq vefat etsem, naaşımnı işğal etilgen topraqta qaldırmañız

Ukrainanıñ bahtlı qaderine inanıp, taqdirimni Yüce Rabbime qaldıram. Ukrainanı sevgen, onı saqlap qalmağa ve inkişaf ettirmege tırışqan er kesniñ ögünde tiz çökem!

«Na çotırı bokı povklonüsâ Skladovım zboru vlasnoyi krovi. І z tumanom na zemlü vstelüsâ Yefirom şçastâ sinovyiy lübovi!».

Yaşasın Ukraina! Can-yürekten siziñim!

Malümat: Baluh, 2018 senesi martnıñ 19-nda başlağan müddetsiz açlıqnı 205 kün tuttı.

Bir ay bir şey aşamağan Baluh Arhiyepiskop Klimentni diñlep, kisel içmege, peksimet aşamağa razı olğan edi. Advokat Dmitriy Dinzeniñ malümatına köre, Baluh 200 künden berli açlıq tutqan soñ ülser ya da pankreatit şübesi peyda oldı.

FSB Vladimir Baluhnı 2016 senesi dekabrniñ 8-nde tuttı. FSB hadimleri Vladimir Baluh yaşağan evniñ çardaqında 90 patron ve bir qaç trotil taş tapılğanını bildirgen edi. Baluhnıñ imayesi ve aq qorçalayıcıları onıñ Ukrainağa qoltutqanı içün repressiyalarnıñ qurbanı oldı, dep tüşüneler. Onıñ evinde Ukraina bayrağı bar edi.

XS
SM
MD
LG